Danao City SIDLAK Card

Gipadagan sa GCash + VISA, ang SIDLAK CARD naghatag sa mga verified nga residente sa Danao City og lain na usab nga sayon nga paagi sa paggamit sa digital payment services—ubod sa mga eksklusibong pribilehiyo, promos, ug mga diskwento gikan sa mga mosalmot nga establisamento sa Danao sa umaabot nga mga adlaw.

Apply for a Sidlak Card Track your Sidlak Card

—

Registered Sidlak Cards

-

Sent for Card Printing

-

Delivered to LGU

-

Ready for Pick Up Sidlak Cards

-

Claimed Sidlak Cards

Frequently asked questions

Unsa ang SIDLAK Card?

Kini usa ka kolaborasyon tali sa kagamhanan sa Siyudad sa Danao ug sa GCash. Ang card nagsilbi nga opisyal nga identification ug financial card alang sa mga kwalipikadong Danawanon. Tungod kay kini konektado sa GCash, magamit kini sama sa usa ka regular nga ATM card o debit card. Libre ang card alang sa mga lehitimong residente sa siyudad nga makapasar sa rekisitos.

Asa magamit ug unsay gamit sa SIDLAK Card?

Ang SIDLAK Card kay usa ka GCash Visa card nga magamit sa mosunod:

  • Tap to Pay ug Card Payments: Sayon nga pag-shopping ug pagbayad sa mga groceries, department stores, ug restaurants nga modawat og card payments.
  • Pag-withdraw sa ATM: Pwede ka makawithdraw og cash sa bisan unsang ATM sa tibuok Pilipinas (adunay service fee depende sa bangko).
  • Magamit sa Abroad: Tungod kay kini usa ka Visa card, magamit nimo kini sa imong mga biyahe sa gawas sa nasod alang sa pagpamalit o pag-withdraw gamit ang local currency didto.
  • Online Shopping ug Subscriptions: Pwede isumpay sa pagbayad online sama sa Shopee, Lazada, ug sa mga binuwan nga bills o subscriptions sama sa Netflix ug Spotify.
  • Konektado sa GCash Wallet: Direkta nga magamit kon pila ang sulod sa imong GCash app balance, ug dali ra ma-lock sa app kon pananglit kini mawala alang sa imong seguridad.
Kinsa ang kwalipikado ug unsaon pag-apply sa SIDLAK Card?

Mga Kwalipikasyon (Kinsa ang pwede):

  • Registered voter o certified resident sa usa ka barangay sa Danao City.
  • Adunay aktibo ug fully verified nga GCash account.
  • Nag-edad og 18 anyos pataas.
  • Adunay valid government-issued ID.

Unsaon ug Asa Pwede Mo-apply:

  • Online Application: Pwede ka mo-apply gamit kini nga DANAO CITY SIDLAK Card Online Application.
  • Barangay Caravan: Mag-conduct mi og barangay-to-barangay SIDLAK card registrations (i-anunsyo ang petsa sa inyong barangay).
  • CICTO Office: Pwede ka personal nga moduol sa CICTO Office nga nahimutang sa Danao City Hall.
  • Special Venues: Pag-abang sa mga anunsyo alang sa uban pang mga piniling lokasyon ug venues (TBA).

Note: Ang pag rehistro sa SIDLAK card kay libre ug wala kay angay nga bayran niini.

Na-claim na nako akong SIDLAK Card, unsa akong buhaton?

Congratulations! Tungod kay konektado o pre-linked na ang imong SIDLAK Card sa imong GCash account, sunda kining pipila na lang ka importanteng lakang aron magamit kini:

1. I-set ang imong 6-digit ATM PIN:

Kinahanglan nimo kining buhaton aron magamit nimo ang card sa pag-withdraw sa mga ATM ug pag-shopping:

  • Buksan ang imong GCash App ug i-tap ang Cards (o adto sa Profile > My Linked Accounts > GCash Card).
  • Pilia ang imong SIDLAK Card nga nakarekord na didto.
  • I-tap ang Set Card PIN.
  • Isulod ang imong kaugalingon nga 6-digit Card PIN (kini ang imong ipislit kon mag-withdraw ka sa ATM). Pahinumdom: Lahi kini sa imong 4-digit GCash MPIN nga gamit pang-login sa app.

2. Ampingi ug Ayaw I-wala ang Card:

  • Pirmahi ang luyo: Gamit ang ballpen o permanent marker, pirmahi dayon ang signature strip sa luyo sa card alang sa dugang seguridad sa mga tindahan.
  • Ayaw i-bilin bisan asa: Ayaw kini ipahulam, i-prenda, o ihatag bisan kinsa. Trataha kini sama sa tinuod nga kwarta sulod sa imong pitaka.
  • I-lock kung mawala: Kon pananglit mawala o dili nimo makit-an ang card, ablihi dayon ang imong GCash App, adto sa Cards, ug i-tap ang Lock Card aron masiguro nga walay laing makagamit sa imong kwarta.

3. Mga Importanteng Pahinumdom:

  • AYAW I-SHARE ANG PIN ug OTP: Ang CICTO, LGU Danao, ug ang GCash DILI gayod mangayo sa imong 6-digit Card PIN, 4-digit MPIN, o One-Time Password (OTP). Protektahi ang imong account batok sa mga scammer.
  • Dili kinahanglan og lahi nga sulod: Ang sulod sa imong SIDLAK card kay mao ra usab ang sulod sa imong GCash wallet app balance. Kung unsa ang naa sa app, mao ray ma-withdraw o magamit sa card.
Unsa kadugay before pwede na ma claim ang SIDLAK Card ug asa kini pwede ma claim?

Pila ka Semana ang Paghulat?

Ugaling ma-isumite na namo ang inyong impormasyon ngadto sa atong printing partners sa kaulohan (Manila), magsugod na ang pag-imprinta niini. Mulungtad kini og 4 hangtod 6 ka semana (4-6 weeks), apil na ang proseso sa pag-deliver niini pabalik diri sa LGU-Danao.

Asa ug Kanus-a Pwede I-claim?

  • Lokasyon: Ari kini i-claim sa CICTO Office, nga nahimutang sa Danao City Hall.
  • Oras ug Adlaw:
    • Lunes hangtod Huwebes: 7:15 AM hangtod 5:45 PM
    • Biyernes: 8:00 AM hangtod 5:00 PM

Unsay mga Rekisitos sa Pag-claim?

Kon ikaw mismo ang mokuha, palihug dad-a ang mosunod:

  • Ang SIDLAK Card Claim Notice nga gipadala kanimo pinaagi sa Email o SMS (text message).
  • Usa (1) ka Valid ID sa tag-iya sa card.

Kung Naay Lain Mokolekta Para Kanimo:

Kung dili ka personal nga makakuha sa imong card, pwede kini pakuha sa imong representante. Siguroha lang nga madala nila kining mosunod:

  • Authorization Letter nga adunay orihinal nga pirma sa tag-iya sa card.
  • Photocopy sa Valid ID sa tag-iya sa card (kinahanglan back-to-back o atubangan ug luyo).
  • Valid ID sa representante (ang tawo nga mosalod o mokuha sa card).
Naka-apply ko pero dili lagi nako ma search ang status sa ako SIDLAK Card?

Palihug og hatag kanamo og 3–5 ka adlaw aron ma-verify ug ma-check ang imong SIDLAK Card information sa dili pa namo kini ipadala alang sa card printing.